Almatydaǵy jol apaty: bir adam mert bolyp, úsheýi zardap shekti
ALMATY. QazAqparat - Almatyda jol apaty saldarynan bir adam qaza bolyp, taǵy úsheýi zardap shekti, dep habarlaıdy QazAqparat.
Kólik oqıǵasy Qazaq memlekettik tsırkine qarama-qarasy jolda boldy. Abaı dańǵylymen batysqa bet alǵan «Toıota» kóliginiń 22 jastaǵy júrgizýshisi Muqanov kóshesine burylysqa jete bere, rýlge ıe bola almaı, aınalyp baryp dińgekke soǵyldy. Júrgizýshi oqıǵa ornynda ajal qushty, úsh jolaýshy aýrýhanaǵa jetkizildi.
Júrgizýshiniń denesi men japa shekkenderdi kólikten shyǵaryp alý úshin Qutqarý qyzmeti shaqyryldy. Olar qatty soqqydan maıysqan kólik korpýsyn kesti.
