Almatydaǵy jol apaty: Bir adam mert bolyp, úsheýi aýrýhanaǵa tústi
ALMATY.QazAqparat - Almaty qalasynda Rysqulov pen Emtsov kóshesiniń qıylysynda jol apaty bolyp, bir adam qaza tapty, dep habarlaıdy QazAqparat tilshisi.
BMV kóligi Rysqulov kóshesimen batys baǵytqa kele jatqan. Al Emtsov kóshesiniń tusynda shyǵysǵa bet alǵan Toıota kóligi Emtsov kóshesine, solǵa burylmaq bolǵan. BMV onyń búıirinen kelip soqqan. Qatty soqqydan Toıota ishindegi jolaýshy mert bolyp, júrgizýshisin aýyr halde jedel járdem alyp ketti. Sondaı-aq, BMV kóligindegi eki jolaýshy da aýrýhanaǵa jetkizildi.
