Almatydaǵy jol apaty: Bir adam qaza taýyp, birnesheýi jaraqattandy
ALMATY. QazAqparat- Keshe túnde Almatyda jappaı jol apaty bolyp, bir adam qaza tapty, dep habarlaıdy QazAqparat tilshisi.
Jol apaty Rysqulov - Jansúgirov jolaıryǵynda bolǵan. KamAZ, Gazel jáne eki avtokólik soqtyǵysqan. Jantúrshigerlik apattyń vıdeosy áleýmettik jelide paıda boldy.
Jol apaty saldarynan birneshe adam zardap shekti. Olardyń bireýi aýrýhanaǵa bara jatqan jolda kóz jumdy.
«Jedel járdem brıgadasy zardap shekken 3 adamdy №4 qalalyq klınıkalyq aýrýhanaǵa jetkizdi. Bireýi alǵan jaraqattarynan kóz jumdy. Ekinshisi jabyq bas mı jaraqaty, mıdyń shaıqalýy, sol jaqtaǵy 7-10 qabyrǵalarynyń jabyq synyǵy «qosarlanǵan jaraqat» dıagnozymen ortopedııalyq hırýrgııa bólimine jatqyzyldy. Úshinshi adam da tolyq medıtsınalyq tekserýden ótti. Ómirine qaýipti patologııa anyqtalmady, alǵashqy kómek kórsetildi, Aýrýhanaǵa jatýdan bas tartqandyqtan ol turǵylyqty jeri boıynsha ambýlatorııalyq em qabyldaýǵa jiberildi», - dep habarlady qalalyq qoǵamdyq densaýlyq saqtaý basqarmasynan.
