Almatydaǵy jerústi ótkelderine múgedekterge arnalǵan lıft qoıylady

ALMATY. QazAqparat – Almatyda múgedekterge yńǵaıly bolý úshin jerústi ótkelderine arnaıy lıft qoıylady, dep habarlaıdy QazAqparat tilshisi.

Almaty ákimi Erbolat Dosaevpen kezdesýge kelgen Áýezov aýdanynyń turǵyny jol ústi ótkelindegi kótergishterdiń jumysyna shaǵymdandy.

«Sizdiń tapsyrmańyz boıynsha Áýezov aýdanynyń ákimdigine joldyń ústinen ótetin ótkeldegi kótergishterdiń kiltin bergenderi úshin alǵys aıtamyn. Biraq, ókinishke oraı, bul kótergishterdiń jumysy óte baıaý ári shýly. Men birinshi toptaǵy múgedek balammen kóshede jıi serýendeımin. Sol kezde osy máseleler bizge qıyndyq týdyryp jatady», - dedi múgedek balanyń anasy.

Bul saýalǵa Áýezov aýdanynyń ákimi Saıran Saıfedenov jaýap berdi. Aıtýynsha, kótergishter tehnıkalyq talapqa saı baıaý qozǵalady.

«Joldyń ústinen ótetin ótkeldegi kótergishterdiń kilti bárine berilgen. Endi tehnıkalyq máseleler týyndady. Kótergishter baıaý jumys isteıdi, joǵary qaraı 5 mınýtta shyǵarady. Sondyqtan, máseleni sheshý úshin biz qalalyq máslıhatqa ótinish berdik. Kótergishterge lıft jasaý kerek. Jobasyn daıyndap, endigi jyly qarastyramyz», - dedi aýdan ákimi.