Almatydaǵy jerasty joldarynda polıtsııa pýnkti men qoǵamdyq ájethana ornalastyrylady
ALMATY.QazAqparat - Almatyda jerasty jaıaý júrginshi joldary qaıta jóndeýden keıin áleýmettik qajettilikke paıdalanylýy múmkin. Bul týraly óńirlik kommýnıkatsııalar qyzmeti alańynda ótken brıfıngte Almaty qalasy sáýlet jáne qala qurylysy basqarmasynyń ókilderi málim etti, dep habarlaıdy QazAqparat tilshisi.
«Almatyda qoǵamdyq ájethanalarǵa qatysty másele týyndap otyr. Jer asty jaıaý júrginshi jolynyń bóligin qoǵamdyq ájethana retinde paıdalanýǵa bolady. Sondaı-aq, ol jerde polıtsııa pýnktterin ornalastyrýǵa bolady. Olar qala aýdandaryn torýyldaý kezinde osy jerde aıaldaıtyn bolady. Sonymen qatar bul jerde alǵashqy medıtsınalyq kómek pýnktteri jumys isteýi kerek. Mundaı jerlerdi jappastan buryn áleýmettik qajettilikterge paıdalanýdy oılastyrý kerek», - dedi Almaty qalasy sáýlet jáne qala qurylysy basqarmasy bastyǵynyń orynbasary Almashan Ahmetjanov.
Jerasty jaıaý júrginshi aýmaǵyn qaıta jóndeý qalanyń aýdandyq ákimdikteri mindetine júktelgen.
