Almatydaǵy jer silkinisinen zardap shekkender joq - TJD
ALMATY. QazAqparat - Almatydaǵy jer silkinisiniń saldarynan zaqymdaný men qıraý týraly málimet túsken joq, dep habarlady QazAqparat tilshisine qalalyq TJD baspasóz qyzmeti.
«2016 jyldyń 18 jeltoqsanynda Qazaqstan Respýblıkasy Bilim jáne ǵylym mınıstrliginiń seısmologııalyq «tájirıbe-ádistemelik ekspedıtsııasy» seısmıkalyq stansalar jelisi 11 saǵat 54 mınýtta jer silkinisin tirkedi. Jer silkinisiniń kindigi Qazaqstan aýmaǵynda Almaty qalasynan soltústik-batysqa qaraı 138 shaqyrymda ornalasqan. Jer silkinisiniń energetıkalyq klasy 11.3. Magnıtýdasy MPV 5.0. Zilzala oshaǵynyń baǵyty 43.27° s.e. 75.21° sh.b. Tereńdigi 15 shaqyrym. Almatyda 2-3 balldyq jerasty dúmpýi sezildi», - dep atap ótti mekeme.
«ІІD Jedel basqarý ortalyǵynyń habarlaýynsha, patrýldengen aýmaqta zaqymdar men qıraý faktisi anyqtalǵan joq», - dep habarlady TJD.
«Qazselden qorǵaý» MM habarlaýynsha, gıdrotehnıkalyq ǵımarattarda, kóshkin jáne sel qaýpi bar aımaqtarda pishinniń ózgerýi, shógý nemese syzattar anyqtalǵan joq.
