Almatydaǵy JEO gazǵa ótse, zııandy shyǵaryndylar 12 ese tómendeıdi

Kezdesýge «Samuryq-Energo» AQ, «Qazaqgaz UK» AQ, «KEGOC» AQ, «Samruk-Kazyna Construction» AQ, «Alataý jaryq kompanııasy» AQ basshylary qatysty.
Kezdesý barysynda taraptar megapolıstiń energokeshenin damytý perspektıvalaryn, onyń ishinde JEO-2 gazǵa aýystyrý, jylý magıstraldaryn, elektr jelilerin jańǵyrtý, Almaty aglomeratsııasynyń turǵyn alaptaryn odan ári gazdandyrý, qoǵamdyq kólikke arnalǵan gaz quıý stantsııalaryn salý, «Jaıly mektep» ulttyq jobasyn júzege iske asyrý máselelerin talqylady.
Qala basshysy Erbolat Dosaev qalany turaqty jylý jáne energııamen qamtamasyz etý, zalaldy zattar shyǵaryndylary kóleminiń aıtarlyqtaı tómendetý Almatyny ekologııalandyrý men dekarbonızatsııalaý úshin asa mańyzdy basymdyqtar bolyp tabylatynyn atap ótti.
Búginde megapolıstegi aýanyń lastanýynyń negizgi sebepteriniń biri JEO-2 bolyp tabylady, mamandardyń baǵalaýy boıynsha zalaldy shyǵaryndylardyń 30%-na deıin oǵan tıesili. Qala ákimi JEO-2 gazǵa aýystyrýdy belgilengen merzimde júrgizý qajet ekenin tilge tıek etti.
Memleket basshysynyń tapsyrmasyna sáıkes birinshi kezeńdi 2024 jyldyń jeltoqsanynda aıaqtaý josparlanýda. «Samuryq-Qazyna» UÁQ» AQ basshylyǵy merziminde úlgerýge daıyn ekendigin aıtty.
Jalpy, JEO-2-ni gazǵa aýystyrý birinshi kezeńdi iske qosý kezinde zalaldy shyǵaryndylar sanyn – 35 myń tonnadan 23 myń tonnaǵa deıin, 2026 jyly tolyq iske asyrý kezinde – 2,7 myń tonnaǵa deıin (jalpy 12 eseden astam) tómendetýge múmkindik beredi.
Kezdesý barysynda JEO-2 – BQK qosatyn jylý magıstralin qaıta jańartýǵa erekshe nazar aýdaryldy. Qazirgi ýaqytta qubyrlar dıametriniń ózgerýine baılanysty jobalaý-smetalyq qujattamany túzetý qajet. Olardy jańǵyrtý jylý trassasynyń jeke turǵyn úılerge jaqyn ótýine baılanysty qıyn. Holdıng qalalyq bılik tarapynan jobany iske asyrýdy qoldaý týraly máseleni kóterdi.
Taraptar sondaı-aq qalany ekologııasynyń mańyzdy quramdas bóligi bolyp tabylatyn gazdandyrý jónindegi aldaǵy josparlardy talqylady. Almaty boıynsha gazdandyrý 99,2%-dy quraıdy, bul rette 1074 jeke turǵyn úı jáne baý-baqsha seriktestikteriniń saıajaı massıvterinde ornalasqan 1677 úı gazǵa qosylmaǵan kúıinde qalyp otyr. «QazTransGaz Aımaq» AQ aqparaty boıynsha, bıylǵy jyly 355 jeke turǵyn úıdi qosý úshin 23,2 km gazben jabdyqtaý jelisin salý josparlanǵan. Nátıjesinde Almatynyń gazdandyrý deńgeıi 99,4%-ǵa jetedi. Sonymen qatar, Almaty oblysynyń shekaralas tórt aýdanynyń jylytý kezeńinde lastaýshy zattardyń shyǵaryndylaryn azaıtý jáne olardyń qala ekologııasyna, ásirese jeldiń uıytqı soǵýyna baılanysty keri áserin azaıtý úshin gazdandyrýdyń asa qajettiligi atap ótildi.
Keńeske qatysýshylar jelilerdi jańǵyrtý protsesin jedeldetý úshin ınvestıtsııalyq baǵdarlamany jáne ınvestıtsııalyq saıasatty keńeıtý máselesin kóterdi. Mysal retinde «Alataý jaryq kompanııasy» AQ ókilderi búginde qalanyń elektrmen jabdyqtaý jelileriniń tozýy 93%-dy, transformatorlyq qosalqy stantsııalardyń tozýy 65% -dy, al taratý qosalqy stantsııalarynyń tozýy – 75%-dy quraıtynyn aıtty.
Kezdesý barysynda taraptar «Samruk-Kazyna Construction» AQ-nyń «Jaıly mektep» ulttyq jobasyn iske asyrý jónindegi biryńǵaı operator retindegi mańyzdy rólin atap ótti.
Joba aıasynda Almatyda 22 mektep (37 myń oqýshy orny, 14 mektep «Samuryq-Qazyna» UÁQ» AQ qarajaty esebinen, 8 mektep – jeke ınvestorlardyń qarajaty esebinen) salý josparlanýda, bul Almatynyń memlekettik mektepterindegi oryn tapshylyǵyn edáýir tómendetýge múmkindik beredi. Qazirgi ýaqytta Almaty ákimdigi jer ýchaskeleri boıynsha máselelerdi sheshti, bıýdjette ınjenerlik jelilerge qarajat kózdelgen, qujattardy birlesip daıyndaý júrip jatyr.
Kezdesý qorytyndysy boıynsha taraptar «Samuryq-Qazyna» UÁQ AQ men Almaty ákimdiginiń birlesken jobalaryn iske asyrý jónindegi odan ári qadam týraly ýaǵdalasty.