Almatydaǵy JEO-2 2025 jyly gazǵa kóshiriledi

ALMATY. QazAqparat - Almaty ákimi Baqytjan Saǵyntaev halyqqa esep berý kezdesýinde Almatynyń ekologııasyn jaqsartý boıynsha qandaı sharalar qolǵa alynyp jatqanyn aıtty, dep habarlaıdy QazAqparat tilshisi.

Qala ákimi Almaty ekologııasyn jaqsartý tek ákimdikti ǵana emes, búkil turǵyndardy da alańdatyp otyrǵanyn jetkizdi.

«Bul baǵytta kóptegen jumystar atqarylyp jatyr, ony Úkimet, Prezıdent jáne Elbasy qoldap otyr. Jaqynda qaladaǵy JEO-2 jylytý qazandyǵyn gazǵa aýystyrý kelisimi jasaldy. Osy jyly «Samuryq-Energııa» qajetti barlyq qujattardy ázirleıdi. Kelesi jyly jyltý toqtaǵan ár alty aı saıyn eki qazandyqtan gazǵa aýystyryp otyramyz. 2025 jyldyń sońyna deıin JEO -2-i tolyqtaı gazǵa aýysady. Al, ekologııanyń tazarǵanyn 2022 jyldan bastap sezine bastaımyz»,- dedi Saǵyntaev.