Almatydaǵy jeńil relsti tramvaı jelisi qaı jerlerden ótedi
Almatyda jeńil relsti tramvaı jelisiniń salynýy týraly birazdan beri aıtylyp keledi. Almaty ákimdigi ókilderiniń málimdeýinshe, eki baǵdardan turatyn jańa tramvaı joly 22,72 kılometrge jetýi tıis.
«Birinshi baǵdar depodan shyǵyp, ońtústikti betke ala Momyshuly kóshesimen, keıin Tóle bı kóshesiniń boıymen shyǵysqa qaraı júrip, Panfılov kóshesinen soltústikke qaraı burylady. Sosyn Maqataev kóshesimen shyǵysqa, Jetisý kóshesimen soltústikke qaraı júredi. Ekinshi baǵdar depodan Momyshuly kóshesimen ońtústikke qaraı júredi de, Tóle bı kóshesinen batysqa burylady. Sosyn ıAssaýı kóshesiniń boıymen soltústikke qaraı, Raıymbek dańǵylymen qaıtadan batysqa - Qalqaman shaǵyn aýdanyndaǵy Áshimov kóshesine deıin barady. Ol jerde «Batys» avtovokzaly men avtobýs, tramvaı, metro jáne taksılerge arnalǵan hab salý josparlanyp otyr», - deıdi Almaty ákimdiginiń ókilderi QazAqparattyń resmı saýalyna bergen jaýabynda.
Megapolıs ákimshiliginiń málimetterine súıensek, qazir eki kezeńnen turatyn ashyq halyqaralyq konkýrs ótkizýge qujattar ázirlenip jatyr.
Birinshi kezeńde konsortsıýmdardyń ótinishteri qabyldanady, usynǵan jobalarynyń tehnıkalyq sıpattamalary negizinde jekemenshik seriktester irikteledi. Ekinshi kezeńde jobanyń barlyq talaptaryna jaýap beretin jekemenshik seriktes iriktep alynady.
«Birinshi kezeń 2018 jylǵy shildede, ekinshi kezeń 2018 jyldyń jeltoqsan aıynda ótedi. 2019 jyly memlekettik-jekemenshik seriktes pen jekemenshik seriktes arasynda kelisimshart jasasý josparda bar. Sodan keıin jekemenshik seriktes jeńil relsti tramvaı jelisin jatqyzýǵa kirisedi», - deıdi ákimdik ókilderi.
Joba memlekettik-jekemenshik seriktestik negizinde iske asyrylady. Bul format boıynsha, jobanyń 50 paıyzyn memlekettik seriktes, qalǵan jartysyn jekemenshik seriktes qarjylandyrady.
«Qazirgi kezde jobanyń quny shamamen 130 mlrd teńge mólsherinde belgilenip otyr. Biraq qurylys jumystarynyń barysymen joba quny ózgerýi múmkin», - deıdi qalalyq ákimshilik ókilderi.
Qolda bar aqparattarǵa sensek, Almatyda jeńil relsti tramvaı jelisin júrgizý jobasyna Frantsııanyń Alstom, Germanııanyń Siemens jáne Kanadanyń Bombardier kompanııalary qyzyǵýshylyq bildirip otyr.
«Joba memlekettik-jekemenshik seriktestik joba retinde jarııalanǵan. Qandaı tramvaılardy usynatynymyz áli belgisiz. Bizdiń Qazaqstandaǵy «Qazelektrojetek» birlesken kásipornymyz tramvaı shyǵaratyn áleýetke ıe emes. Degenmen, eger ekonomıkalyq jaǵynan durys kelse, jergilikti kásiporyndarymyzdyń artyqshylyqtaryn barynsha paıdalanýǵa daıynbyz», - deıdi Alstom kompanııasynyń ókilderi.
Almatydaǵy jeńil relsti tramvaıdy paıdalanýǵa berýdiń boljaldy merzimi retinde 2022 jyl kórsetilip otyr.
