Almatydaǵy jeńil relsti kólik jelisi qaı jerlerden ótedi
Serik Qusaıynov Talǵardyń joǵarǵy tas joly boıymen LRT jelisin salý josparlanyp otyrǵanyn aıtty. Joba jeke ınvestor esebinen júzege asyrylady.
«Qazir ınvestorlarmen kelissózder júrgizip jatyrmyz. Aldyn ala oılastyrǵan baǵyt boıynsha LRT Tóle bı kóshesi boıyna túsedi. Ózderińiz bilesizder keńes kezinde bul kóshede tramvaı jelisi bolǵan edi. Endi batystan shyǵysqa qaraı jolaýshylar aǵynyn bir retke keltirip, ony paıdalanýǵa daıynbyz. Ol Momyshuly kóshesimen ǵana emes, Alataý aýdanynyń ortalyǵyna deıin túsýi kerek», - deıdi ol.
Qazirgi ýaqytta ınvestor tehnıkalyq-ekonomıkalyq negizdememen aınalysyp jatyr.
Budan buryn LRT jelisiniń qurylysyn 2020 jyly bastaý josparlanǵany xabarlanǵan bolatyn . Texnıkalyq-ekonomıkalyq negizdemege sáıkes, jobanyń ınvestıtsııalyq quny: ınfraqurylym - 56 907 mln teńge (depo qurylysyn qosa eseptegende), jyljymaly quram - 36 512 mln teńge. Barlyǵy - 94 203 mln teńge.
