Almatydaǵy jel elektr stantsııasy tamyz aıynda jumys isteı bastaıdy
ALMATY. QazAqparat - Almaty qalasynan 140 shaqyrym qashyqtyqta salynyp jatqan qýaty 60 MVt jańa jel elektr stantsııasy bıylǵy tamyz aıynyń basynda paıdalanýǵa beriledi, dep habarlaıdy QazAqparat tilshisi.
«Samuryq-Energo» AQ baspasóz qyzmetiniń málimetinshe, stantsııa jylyna 225,7 mln kVts elektr energııasyn óndiretin bolady. JES salý jáne iske qosý parnıktik gazdar shyǵaryndylaryn 206 myń tonnaǵa deıin azaıtýǵa múmkindik beredi, sondaı-aq jylyna shamamen 89 myń tonna dástúrli otynnyń ornyn basady.
«Energetıkalyq nysan Almaty oblysynyń Eńbekshiqazaq aýdanynda Shelek dálizinde salynyp jatyr. Munda jeldiń ortasha jyldyq jyldamdyǵy – 50 metr bıiktikte sekýndyna 7,8 metr, al aǵynnyń tyǵyzdyǵy – 310 Vt/m2. Bolashaqta JES qýatyn 300 MVt-qa deıin arttyrý josparlanýda», - delingen baspasóz qyzmetiniń málimetinde.
Jobanyń jalpy quny – 37,4 mlrd teńge. Ony «Samuryq-Energo» AQ qazaqstandyq elektr energetıkalyq holdıngi «Power China» korporatsııasymen seriktestikte iske asyrýda.
