Almatydaǵy jekpe-jek keshinde Dáýren Ermekov chempıondyq belbeýdi jeńip aldy
NUR-SULTAN. QazAqparat – Almatydaǵy «Almaty Arenada» aralas jekpe-jekten Gorilla Fighting Championship (GFC) 23 týrnıri márege jetti, dep habarlaıdy QazAqparat tilshisi.
Basty jekpe-jekte qazaqstandyq Dáýren Ermekov pen reseılik Artýr Gýseınov orta salmaqta lıganyń ýaqytsha chempıondyq belbeýin sarapqa saldy.
Qazaqstandyq jekpe-jek sheberi úsh raýnd boıy basymdylyǵyn kórsete bildi. Qarsylasyn tıkdaýnǵa da túsirip, kóbirek soqqy jumsaı bildi.
Tóreshiler 30:28, 30:27, 30:27 esebimen biraýyzdan jeńisti D.Ermekovke berdi.
Osylaısha Dáýren óz dıvızıonynda GFC-nyń ýaqytsha tıtýlyna ıe boldy. Bul – onyń kásibı sporttyq jolyndaǵy 14-inshi jeńisi.
Týrnırge qurmetti qonaq esebinde UFC juldyzy, reseılik Habıb Nýrmagomedov qatysty. Ol – osy Gorilla Fighting Championship promoýshny quryltaıshylarynyń biri.
