Almatydaǵy jeke kásipkerler patent alýǵa asyqpaı otyr
ALMATY. QazAqparat - Almaty qalasynyń Memlekettik kirister departamenti patentti uzartýǵa asyqpaıtyn kásipkerlerdiń sanyn aıtty, dep habarlaıdy QazAqparat tilshisi.
Vedomstvonyń málimetinshe, 28 jeltoqsandaǵy jaǵdaı boıynsha Almaty qalasynda patent negizinde jumys isteıtin 25,5 myń kásipkerdiń tek 19 myńy ǵana patent alýǵa ótinish bergen.
«Patent negizinde arnaýly salyq rejimderin qoldanýdy uzartý úshin jeke kásipkerler 31 jeltoqsannan qalmaı «911.00» formasyndaǵy patenttiń esebin usynýy tıis. Esep aldyńǵy patenttiń merzimi shyqpastan buryn, qaǵaz túrinde nemese elektrondy nusqada qabyldanady»,- dep eskertti vedomstvo mamandary.
Bul oraıda Memlekettik kirister departamenti Mindetti áleýmettik medıtsınalyq saqtandyrý júıesi týraly zańnamaǵa ózgerister engizilgennen keıin jeke kásipkerler tólem júıesin qalaı júzege asyratynyn eskertti.
«QR Parlamenti MÁMS-ke engiziletin jarnalardyń tártibi men merzimi máselesi boıynsha zańnamalyq aktige ózgerister men tolyqtyrýlar engizetin zań jobasyn maquldady. Sonyń ishinde jeke tulǵalar men memleket tarapynan MÁMS-ke engiziletin jarnalar tóleý merzimin de 2018 jyldyń 1 qańtarynan 2020 jyldyń 1 qańtaryna shegerý týraly usynys ta bar. Osyǵan baılanysty patent negizinde arnaýly salyq rejimderindegi jeke kásipkerler úshinde jarna tóleý toqtatyldy», - deıdi olar.
