Almatydaǵy jarylys: 19 jastaǵy qyz ózine qol jumsamaq bolǵan
ALMATY. QazAqparat – Almatyda kópqabatty úılerdiń birinde gaz-aýa qospasy jaryldy, dep habarlaıdy QazAqparat tilshisi.
Oqys oqıǵa Bostandyq aýdanyndaǵy Klochkov kóshesindegi kópqabatty úılerdiń birinde bolǵan.
«19 jastaǵy qyz tórtinshi qabatta jalǵyz ózi turǵan. Ol ózine qol jumsamaq oımen úıdegi gaz plıtasyn qosyp qoıǵan. Biraz ýaqyttan soń sirińke shyrpysyn jaqqan. Sol sátte gaz-aýa qospasy atylǵan. Dúmpýden kórshilerdiń esigi men podezdegi terezelerge, aýladaǵy kólikterge zaqym kelgen. Qyzdyń qol-aıaǵy, beti kúıip, aýrýhanaǵa jetkizildi», – deıdi Bostandyq aýdandyq polıtsııa basqarmasynyń basshysy Dáýren Ýtebaev.
Polıtsııa atalǵan derek negizinde QR QK 105-baby boıynsha sotqa deıingi tergeýdi bastady.
