Almatydaǵy jármeńkede azyq-túlik 15-20 paıyz arzan baǵamen satylmaq
ALMATY. QazAqparat - Almaty qalasynda 171 mln teńgeniń ónimi usynylǵan aýyl sharýashylyq jármeńkesi ótkiziledi, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasaı otyryp.
«Almaty qalasy «Astana» ortalyq alańynda 6 mamyr kúni Jambyl oblysy taýar óndirýshileriniń jáne Almatynyń 40 tamaq ónerkásibiniń aýyl sharýashylyǵy ónimderiniń jármeńkesi ótkiziledi. Jármeńkede turǵyndar ónimniń 40-tan asa túrlerin satyp ala alady. Almaty qalasynyń turǵyndary men qonaqtaryna et-sút, jemis-kókónis jáne basqa da ónimder usynylady. Aýyl sharýashylyǵy taýarlaryn óndirýshiler jalpy jármeńkege 171 mln. teńgege ónim alyp keledi», delingen habarlamada.
Jármeńkede usynylatyn taýar baǵalary naryq baǵasynan 15-20 % tómen bolady.
Jármeńke ótkizilý barysynda Abylaı han dańǵyly men Panfılov kóshesi arasynda Tóle bı kóshesi boıymen avtokólik júrýi toqtatylady.
