Almatydaǵy jármeńkede Almaty oblysynyń 360 tonna azyq-túligi saýdalandy
ASTANA. QazAqparat - Almaty qalasynyń «Astana» alańynda Almaty oblysynyń barlyq aýdan, qalalarynyń jáne «Jetisý» ÁKK-niń qatysýymen keńeıtilgen aýyl sharýashylyǵy jármeńkesi ótti.
Oblystyń taýar óndirýshileri sapaly ári ekologııalyq taza ónimderden 360 tonna azyq-túlik saýdalady, dep habarlaıdy Almaty oblysy ákiminiń baspasóz qyzmeti.
Atap aıtqanda, 63,5 tonna et, 9,6 tonna balyq, 12,5 tonna sút pen sút ónimderi, 62,4 tonna kartop, 86,7 tonna kókónis, 36 tonna jemis-jıdek, sol sııaqty kúrish, jumyrtqa, qant, bal, shubat, qymyz jáne basqa da taǵamdar saýda sórelerinen oryn aldy. Barlyǵy 180 mln. teńgege azyq-túliktiń 50-ge tarta túri jármeńkege shyǵaryldy.
Jalpy, jármeńke Almaty qalasy mańynda azyq-túlik beldeýin damytý maqsatynda, sondaı-aq baǵany turaqtandyrý men azyq-túlik qaýipsizdigin qamtamasyz etý úshin jyl saıyn turaqty túrde uıymdastyrylady.
Qala turǵyndary taǵamdardyń joǵary sapalylyǵy men naryq baǵasynan tómen saýdalanǵan qunyna rızashylyqtaryn bildirdi.
Jármeńkede oblys ónerpazdarynyń kontserti usynyldy.
