Almatydaǵy jappaı tártipsizdik kezinde qansha adam aýrýhanaǵa tústi

ALMATY. QazAqparat - Almatydaǵy jappaı tártipsizdik kezinde emdeý mekemelerine 1200-den astam adam júgindi. Bul týraly onlaın brıfıng barysynda qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazıeva aıtty, dep habarlaıdy QazAqparat tilshisi.

«Tártipsizdik kezinde Almaty aýrýhanalaryna 1256 adam júgindi, onyń 506-sy aýrýhanaǵa jatqyzyldy. Olardyń basym bóligi emdeý mekemelerine jedel járdem kólikterimen jetkizildi. Barlyǵyna qajetti medıtsınalyq kómek kórsetildi. Qazir aýrýhanalarda em qabyldap jatqan 33 naýqas bar.

Sonymen qatar, ol keıbir naýqastar áskerı gospıtaldarǵa aýystyrlǵanyn tilge tıek etti.

Aıta keteıik, Almaty qalalyq polıtsııa departamenti qańtar oqıǵasyna qatysty tergeý jumystaryn jalǵastyrýda. Sotqa deıingi tergep-tekserýdiń biryńǵaı tizilimine búgingi tańda 1481 qylmystyq is tirkeldi»,-dedi Svetlana Sultanǵazıeva.