Almatydaǵy jantúrshigerlik jol apatynda er adam qaza tapty
ALMATY. QazAqparat - Almatyda jantúrshigerlik jol apatyna ushyrap aýrýhanaǵa jetkizilgen er adam birer saǵattan soń kóz jumdy, dep habarlaıdy QazAqparat tilshisi.
Rysqulov dańǵylynan tómenirekte, Qulja kúre jolynda Qaırat aýylyna burylar mańda ońtústikti betke ustaǵan BMW men qarama-qarsy baǵyttaǵy Mazda soqtyǵysty.
Kýágerlerdiń aıtýynsha, solǵa burylyp jatqan Mazda BMW-nyń aldynan óte shyqpaq bolady. BMW júrgizýshisi kólikti tejeýge úlgere almaı, soqqynyń kúshimen keri qaraı aınalyp ketken, al Mazda jol shetindegi janarmaı quıý beketi aýmaǵyna kirip ketken. Avtomobıldiń qatty zaqymdanǵany sonshalyq, tipti jóndeý múmkin emes.
Jol apatynan Mazda-nyń júrgizýshisi men jolaýshysy aýyr jaraqattarmen aýrýhanaǵa jetkizildi. Dárigerler baryn salsa da, jolaýshy ajaldan aman alyp qala almady.
