Almatydaǵy jantúrshigerlik jol apatyna túsken úshinshi adam da kóz jumdy
ALMATY. QazAqparat - Almatyda jantúrshigerlik jol apatynan zardap shekken jumysshy da kóz jumdy, dep habarlaıdy QazAqparat tilshisi qalalyq Densaýlyq saqtaý basqarmasynyń baspasóz qyzmetine silteme jasap.
Búgin túnde Ál-Farabı kóshesinde bolǵan jol apaty anasy men qyzynyń ómirin alyp ketken edi.
Soqqydan japa shekken jol shetindegi jumysshy da kóp uzamaı jansaqtaý bóliminde jantásilim etti.
«Er adamnyń jaraqattary óte aýyr bolǵandyqtan, onyń ómirin dárigerler arashalap ala almady», - dedi baspasóz qyzmetindegiler.
Al qalalyq ІІD qaıǵyly oqıǵaǵa baılanysty QR QK 345-baby 4-bólimimen sotqa deıingi tergeý jumystaryn bastap ketti.
«Óndiristik is aıasynda birqatar saraptamalar taǵaıyndalatyn bolady. Nátıjesinde bolǵan oqıǵanyń jaı-japsary anyqtalmaq», - dedi baspasóz qyzmetinen.
Aıta ketý kerek, jantúrshigerlik jol apaty naýryzdyń 13-14 qaraǵan túni bolǵan edi.
Audi avtokóligi ál-Farabı dańǵylymen batys baǵytta ketip bara jatyp, bar jyldamdyǵymen kelip júk kóligine soǵylǵan.
Bastapqy boljam boıynsha, jeńil kólik júrgizýshisi júk kóligin kesh baıqaǵandyqtan avtomobıldi tejep úlgermegen.
Soqqydan júrgizýshi kelinshek pen onyń 3-4 jastaǵy qyzy kóz jumdy.
