Almatydaǵy jantúrshigerlik jol apaty: Aman qalǵan aktrısa aýrýhanadan shyqty
ALMATY. QazAqparat -Abaı jáne Seıfýllın dańǵyldarynyń qıylysynda úsh adamnyń ómiri qıylǵan jol apatynda aman qalǵan jalǵyz jolaýshy aýrýhanadan shyǵaryldy, dep habarlaıdy QazAqparat tilshisi.
Qalalyq densaýlyq saqtaý basqarmasynyń habarlaýynsha, jantúrshigerlik jol apatynan aman qalǵan aktrısa Aızada Satybaldıeva aýrýhanadan 1 aqpanda shyqqan.
«Patsıenttiń densaýlyǵy jaqsaryp keledi, jaǵdaıy qanaǵattanarlyq. Sondyqtan ol ambýlatorlyq emdelýge jiberildi», - dedi basqarmada.
Buǵan deıin Almatyda jol apatynan tanymal aktrısa Sholpan Elgezek pen taǵy eki kisi kóz jumǵanyn habarlaǵan edik. Sondaı-aq, júrgizýshiniń kinási dáleldendi.
Avtor: Maııa Tenızbaeva
