Almatydaǵy janar-jaǵarmaı quıý beketterinde ónimniń zańsyz aınalymy anyqtaldy
Almaty qalasy boıynsha Memlekettik kirister departamenti aktsızdeletin taýarlardyń kóleńkeli aınalymyn anyqtaý maqsatynda aktsızdeletin ónim naryǵynyń sýbektilerine turaqty túrde taldaý júrgizedi.
Taqyryptyq salyqtyq tekserý júrgizý barysynda Almaty qalasy Túrksib aýdany boıynsha Memlekettik kirister basqarmasynyń laýazymdy tulǵalary 15 maýsym kúni bir salyq tóleýshige tıesili eki avtomobılge janarmaı quıý beketinde jalpy kólemi 26 295 lıtr bolatyn janar-jaǵarmaı materıaldarynyń zańsyz aınalymyn anyqtady.
Atap aıtqanda, munaı ónimderin esepke almaı saqtaý jáne ótkizý – «Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» Zańdy buzý. Bul rette Ákimshilik quqyq buzýshylyq týraly Kodekstiń 281-baby 5-tarmaǵy 8-tarmaqshasy boıynsha ákimshilik jaýapkershilik kózdelgen.
Atalǵan faktiler boıynsha sheshim qabyldaý úshin is materıaldary Almaty qalasynyń sot organdaryna beriledi.
