Almatydaǵy Jańa orys kınosy aptalyǵynda segiz fılm kórsetiledi
ALMATY. QazAqparat - Apta baǵdarlamasynda - jas reseılik kınematografıster fılmi, dep habarlaıdy QazAqparat tilshisi. Kartınalardyń akterleri men rejısserleri: Renat Davletıarov, Artemıı Temnıkov, Stasıa Mıloslavskaıa, Dmıtrıı Bogdanov, Aleksandr Tıýtrıýmov jáne ózgeler. Kórsetilim aldynda Konstantın Habenskıı, Gosha Kýtsenko jáne ıÝrıı Bykov beıneúndeý arqyly sóz sóıleıdi.
«Bizdiń kınoteatrǵa keletin fılmderdi reseılik kıno dep ataýǵa bolmaıdy, bul ádette jarnamaǵa muqtaj dúnıeler. Reseıdiń «Planeta kıno» uıymy birneshe jyldan beri ózge memleketterde kórsetilim uıymdastyryp keledi. Eki aı buryn olar bizge habarlasyp, bul aptalyqty alǵash ret Qazaqstanda ótkizý jáne jyl saıyn kórsetilim uıymdastyryp turý jaıly usynys jasady. Aptalyqtyń ereksheligi sol - ár fılm eki ret kórsetiledi. Barlyǵy 8 fılm, baǵdarlamada horror, ekshn, drama sondaı-aq áleýmettik janrlar da qamtylǵan», - dedi kınosynshy, festıvaldiń baǵdarlamalyq dırektory Oleg Boretskıı.
Spıker, akter Gosha Kýtsenkonyń «Dáriger» fılminiń premerasy Qazaqstanda ótetinin erekshe atap ótti. Ol kartınany óz anasyna arnaǵan. Jańa orys kınosy aptalyǵy Almatyda 18-24 qarasha kúnderi ótedi.
