Almatydaǵy zaýyt qyzmetkerleri 100 paıyz vaktsına aldy
NUR-SULTAN. QazAqparat – «Almaty jeldetkish zaýyty» jaýapkershiligi shekteýli seriktestigi dırektorlar keńesiniń tóraǵasy Marat Baqqulov kásporyn qyzmetkerleriniń 100 paıyzy vaktsına alǵanyn málim etti, dep habarlaıdy QazAqparat tilshisi.
Bul týraly ol Facebook-tegi paraqshasynda jazdy.
«Bizdiń zaýyttyń ujymy kovıdke qarsy vaktsınany bir aı buryn 100% tolyq qurammen aldy. Byltyrǵy jaǵdaıdan aıyrmashylyq bar. Kún saıyn bir-eki adam vırýs juqtyratyn. Bıyl naýqastanǵandar joq. Birde-bir syrqat tirkelgen joq. Quddy bir pandemııa joq sııaqty», - dep jazdy kásiporyn basshysy.
Eske salsaq, bas sanıtar dárigerdiń 14 shildedegi qaýlysy boıynsha jumysy adamdardyń kóp shoǵyrlanýyna baılanysty nysandarǵa qyzmetkerlerin 10 tamyzǵa deıin COVID-19-ǵa qarsy vaktsınanyń birinshi komponentimen, 1 qyrkúıekke deıin vaktsınanyń ekinshi komponentimen qamtamasyz etý júktelgen bolatyn.
Atalǵan qaýlyda kórsetilgen sanatqa jatatyn jumys berýshiler vaktsına almaǵan nemese 7 kún saıyn PTR-testileý arqyly saýlyǵyn dáleldemegen qyzmetkerlerdi shtattyq rejımde jumysqa jiberse, aıyppul arqalaýy múmkin.
