Almatydaǵy zańsyz aktsııadan 190 adam zardap shekti - basqarma

ALMATY. QazAqparat- Almatydaǵy sherýden keıin 40 adam aýrýhanada jatyr, dep habarlaıdy QazAqparat tilshisi.

Almaty qalasy Qoǵamdyq densaýlyq basqarmasynyń málimetinshe, emdeý mekemelerine 190 adam júgingen, onyń 150-i jedel járdem jáne 40-y ózi keldi.

«40 adam aýrýhanaǵa jatqyzyldy, onyń ishinde 7 zardap shekken adam jansaqtaý bóliminde, onyń ishinde tórteýi polıtsııa qyzmetkeri. Zardap shekkenderdiń ishinde 137 polıtsııa qyzmetkeri jáne 53 qala turǵyny bar», - delingen habarlamada.

Eske salsaq, QR Prezıdenti Qasym-Jomart Toqaev Almaty oblysynda tótenshe jaǵdaıdy engizý týraly Jarlyqqa qol qoıdy. Buǵan deıin Almaty qalasy men Mańǵystaý oblysynda tótenshe jaǵdaı engizildi. Sonymen qatar Almaty qalasy komendatýrasynyń málimetinshe, quqyq qorǵaý organdary jaǵdaıdy turaqtandyrý jáne zańdylyqty qamtamasyz etý boıynsha sharalar qabyldaýdy jalǵastyryp jatyr.

Foto: reuters.com