Almatydaǵy zańger áıeldiń ólimine kúıeýi qatysty bolýy múmkin

ALMATY. QazAqparat – Advokat áıeldi óltirdi degen kúdikpen onyń burynǵy kúıeýi izdestirilip jatyr. Bul týraly aqparat áleýmettik jelide taraldy, dep habarlaıdy QazAqparat tilshisi.

Almaty qalalyq polıtsııa departamenti osy asa aýyr qylmysty jasady degen kúdikpen marqumnyń burynǵy jubaıy – 1974 jyly týǵan N. izdeýde ekendigin rastady.

«Atalǵan derek boıynsha qylmystyq is tirkeldi. Arnaıy jedel tergeý toby quryldy. Tergeý barysy QR ІІM men Almaty qalalyq PD basshylyǵynyń baqylaýynda», - dep habarlady polıtsııadan.

Eske salaıyq, qylmys 8 qazan kúni saǵat 23:00 shamasynda qalanyń Almaly aýdanynda jasalǵan.

Advokat Aıman Asanova 12 qazanǵa qaraǵan túni aýrýhanada qaıtys boldy.