Almatydaǵy úzdik mektepke 34 mln teńge berildi

ALMATY. QazAqparat - Almatyda ótip jatqan ustazdardyń Tamyz keńesi barysynda úzdik bilim berý uıymy anyqtaldy, dep habarlaıdy QazAqparat tilshisi.

Muqaǵalı Maqataev atyndaǵy daryndy balalarǵa arnalǵan №140 mektep gımnazııasy «Eń úzdik orta bilim berý mekemesi» dep tanylyp, ujym 34 mıllıon teńge kólemindegi ákim grantyn ıelendi.Atalǵan qarjy mektepti materıaldy-tehnıkalyq jabdyqtaýǵa jumsalmaq.

Sonymen qatar «Eń úzdik mektep kitaphanasy» baıqaýy boıynsha qalalyq №34 gımnazııa ujymy jeńimpaz atandy. Mektep dırektoryna eki mln teńgenin sertıfıkaty tabystaldy.

Jańa oqý jyly men Táýelsizdiktiń 30 jyldyǵyna oraı qala ákimi úzdik ustazdar men uıymdardy saltanatty túrde marapattady.

Birqatar muǵalimge «Elimizdiń bilim berýdegi qurmetti jumysshysy», «Ybyraı Altynsarın» tósbelgisi jáne qala ákiminiń «Eńbegi úshin» medali tabystaldi. Alǵys hattar berildi.