Almatydaǵy «Ýzbechka» dámhanasy órtke orandy
ALMATY. QazAqparat - Almatydaǵy «Ýzbechka» dámhanasy órtke orandy, dep habarlaıdy «QazAqparat» qalalyq TJD baspasóz qyzmetine silteme jasap.
Vedomstvonyń deregi boıynsha, TJ Áýezov aýdanyndaǵy Mamyr-2 móltekaýdanynda oryn alǵan. Órt týraly habarlama búgin saǵat 10:58-de kelip túsken.
«Alǵashqy órt sóndirý mashınasy 6 mınýttan keıin, ıaǵnı saǵat 11:04-te oqıǵa ornyna jetti. Káýaphana janyp ketken. Órt sóndirýshiler onyń taralýyna jol bermedi. Órt saǵat 11:13-te aýyzdyqtalyp, 11:24-te tolyqtaı joıyldy», - dep habarlady Almaty qalalyq TJD resmı ókili Sandýǵash Baımuhambetova.
Jalyn tili 20 sharshy metrdi sharpyǵan. Zardap shegýshiler joq.
