Almatydaǵy ushaq apaty: Aman qalǵandar oqıǵa týraly baıandady

NUR-SULTAN. QazAqparat - Erkin Ótepov - apattan aman qalǵan jolaýshylardyń biri. Ol Nur-Sultan qalasyna is saparmen ushpaqshy bolǵan eken. Tek sońǵy sátte ushaqtyń artqy bóligine otyrýynyń arqasynda ǵana aman qalǵan, dep habarlaıdy Almaty.tv.

Negizi, satyp alǵan orny - qaza tapqandardyń qatarynda eken. Onyń aıtýy boıynsha, salony sýyq áýe kemesi soqqy alǵannan keıin, birden tómen qaraı quldılaı bastaǵan.

Aldyn ala sýyq habardy eskertkendeı, ushaqtyń ishi salqyn bolǵanyn basqa da jolaýshylar baıqaǵan. Óziniń 9 aılyq balasy men jaryn alyp, Nur-Sultanǵa bettegen Maqsut Ǵatıat jańa jyldy ata-anasymen qarsy alyp, nemerelerin alǵash kórsetýge asyqqan eken. Ushaq qozǵalǵan sátten bastap, jolaýshy jary men balasyn qolynan jibermegenin aıtady.

Eske salsaq, 27 jeltoqsanda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.

Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.

QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.

Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.