Almatydaǵy úsh áıeldiń ólimi: kúdikti sot aldynda jaýap berdi
ALMATY. QazAqparat - Almatydaǵy mamandandyrylǵan aýdanaralyq sotynda úsh áıeldiń ólimine qatysty is boıynsha sot otyrysy bastaldy. 34 jastaǵy er adam kúdikti retinde jaýap berdi, dep habarlaıdy «QazAqparat» HAA tilshisi.
Protsess seksýaldyq sıpattaǵy málimetter men qatygezdikpen kisi óltirý isine baılanysty bolǵandyqtan, sot jabyq rejımde ótip jatyr. Sotqa deıingi tergeý amaldary úsh aı boıy júrgizilgen.
Eske salaıyq, 2017 jyldyń 7 jeltoqsanynda Almaty qalalyq ІІD Krımınaldyq polıtsııa basqarmasynyń qyzmetkerleri 34 jastaǵy er adamdy ustady. Oǵan Almaty qalasynyń eki turǵynymen spırttik ishimdik ishý barysynda turmystyq kıkiljiń saldarynan olardy óltirgen degen aıyp taǵyldy. Kúdikti buǵan deıin apaly-sińlili ekeýdi jáne jolda ketip bara jatqan kezdeısoq áıeldi óltirgenin moıyndaǵan.
