Almatydaǵy Ulttyq ǵylymı hırýrgııa ortalyǵynda 2 myńǵa jýyq biregeı ota jasaldy
«2018 jyldyń 11 aıynda joǵary tehnologııalyq medıtsınalyq qyzmet kórsetý (budan ári - JTMQ) aıasynda A. Syzǵanov atyndaǵy Ulttyq ǵylymı hırýrgııa ortalyǵynyń mamandary 2 mlrd teńgeden astam sommaǵa tegin medıtsınalyq kómektiń kepildik berilgen kólemi (TMKKK) sheńberinde 1959 ota jasady. Qazirgi zamanǵy, ozyq tehnologııalardy qoldana otyryp, mynadaı beıinder boıynsha operatsııalar júzege asyryldy: kardıohırýrgııa, mıkrohırýrgııa, transplantologııa, ınterventsııalyq arıtmologııa, gepatobılıarlyq hırýrgııa. Eń kúrdelisi - tiri donordyń aǵzalaryn transplantatsııalaý. Búginde adamdardy tolyqqandy ómirge qaıtarýǵa kómektesetin osyndaı otalar sany jyldan jylǵa artyp keledi», - delingen habarlamada.
Joǵary tehnologııalyq medıtsınalyq qyzmetter TMKKK sheńberinde Qazaqstan azamattaryna tegin usynylatynyn atap ótken jón. Memleket esebinen tólenetin bir otanyń quny 200 myńnan 5 mln teńgege sheıin jetedi. A. Syzǵanov atyndaǵy Hırýrgııa ortalyǵynyń 69 paıyz patsıentteri basqa qalalardan kelgen. Olardyń 33,1% Almaty oblysynyń turǵyndary, Qyzylorda oblysynan - 11,5%, Ońtústik Qazaqstan oblysynan - 7,0% jáne Jambyl oblysynan - 6,8%.
Ortalyqtyń óz bazasynda ǵana emes, sonymen qatar óńirlerde de oqytý sheberlik sabaqtaryn ótkizý arqyly kadrlyq áleýetti damytýdy jáne tájirıbelik medıtsınaǵa ınnovatsııalyq ádisterdi engizýdi júzege asyrady.
Osyndaı kólemde JTMQ oryndaý halyqqa hırýrgııalyq kómek kórsetýdiń qoljetimdiligi men sapasyn jaqsartýǵa múmkindik berdi. Bul naýqastarǵa shetelge shyqpaı, jergilikti jerlerde tolyq qyzmetti alýyna múmkindik beredi.
Búgingi tańda, atalmysh ortalyqta 128 dáriger jumys jasaıdy, onyń ishinde: 11 medıtsına ǵylymdarynyń doktory, 22 medıtsına ǵylymdarynyń kandıdaty, 26 joǵary sanatty dáriger, 35 birinshi jáne ekinshi sanattaǵy dáriger.