Almatydaǵy úlken jol aıyryǵynyń qurylysy nege keshiktirilip jatqany aıtyldy
ALMATY. QazAqparat - Almatyda ótken qoǵamdyq keńeste Jetisý aýdanynyń ákimi Muhtar Tájibaev Seıfýllın - Jansúgirov kósheleriniń qıylysyndaǵy jol aıyryǵynyń qurylysy týraly aıtty, dep habarlaıdy QazAqparat tilshisi.
Jol aıyryǵynyń qurylysy ótken jyly bastaldy, biraq jumys jer telimderiniń jetispeýinen ýaqytsha toqtatyldy. Qurylys-montajdaý jumystary ýchaskeler satyp alynǵanǵa deıin belgili bir merzimge toqtatyla turady. Qarjynyń bir bóligi bıýdjetke qaıtaryldy.
«Bul jol qurylysy respýblıkalyq bıýdjetten qarjylandyrylady. 2018 jyldan bastap jer qatynastary departamenti qarjylandyrýǵa 5 ret ótinim berdi. Ár joly ol keıinge shegerilip otyrdy. Búgingi kúni qalanyń úsh bóligindegi jer ýchaskesin satyp alý jáne ony baǵalaý týraly sot sheshimi boıynsha tólemder máselesi qaralyp jatyr. Osy sáıkes tıisti sharalar qabyldanyp, másele sheshimin tabýda», - dedi Muhtar Tájibaev.
Onyń aıtýynsha, jol aıyryǵy túsetin jerde súriletin nysandardyń jalpy sany 270.
«Sońǵy jarty jyldy biz turǵyndarmen birlese otyryp jumys tobyn qurdyq. Qazir shaǵymdardy qabyldaý boıynsha jumystar júrgizip jatyrmyz. Onda aryz-shaǵymdardy qarap, túsindirý sharalaryn ótkizýdemiz. Sharýashylyq máseleler de jeterlik. Búgingi kúnge deıin 28 ýchaske súrildi. Belgili bir áleýmettik problemalar bar», - dedi Jetisý aýdanyń ákimi.
