Almatydaǵy týroperatorlarǵa koronavırýs tirkelgen elderge týr uıymdastyrmaý usynyldy

ALMATY. QazAqparat - Almaty týrızm basqarmasy týroperatorlarǵa koronavırýs tirkelgen elderge týrısterdi tasymaldamaýdy usyndy, dep habarlaıdy QazAqparat tilshisi.

Mundaı telefonogrammany qalalyq Týrızm basqarmasynyń basshysy Sábına Amankeldi Almatydaǵy týrıstik uıymdardyń birinshi basshylaryna jiberdi.

«QR Úkimetiniń 27 qańtardaǵy №10 qaýlysyna sáıkes QHR azamattaryna arnalǵan 72 saǵattyq vızasyz rejim 2020 jyldyń 1 shildesine deıin toqtatyldy. QR azamattarynyń qaýipsizdigi maqsatynda týroperatorlarǵa koronavırýs juqpasy tirkelgen elderge barýǵa nemese týrıst tasymaldamaýǵa usynym jasaldy», - dedi basqarma basshysy Sábına Amankeldi.

Týrızm basqarmasy naqtyraq aıtqanda 27 memleket Qytaı, Taıland, Gonkong, Japonııa, Sıngapýr, Aýstralııa, Taıvan, Malaızııa, Makao, Ońtústik Koreıa, AQSh, Frantsııa, Germanııa, BAÁ, Kanada, Italııa, Vetnam, Úndistan, Nepal, Fılıppın, Shrı-Lanka, Ulybrıtanııa, Reseı, Kambodja, Fınlıandııa, Ispanııa jáne Shvetsııa elderine shyqpaı kerektigi eskertildi.

Eske sala ketsek, qazirgi málimet boıynsha koronavırýstan álemde 490 adam kóz jumǵan.