Almatydaǵy túrmeden qashqan adam Aqtóbede qolǵa tústi
NUR-SULTAN. QazAqparat – Almatydaǵy bas bostandyǵynan aıyrý oryndarynyń birinen qashyp shyqqan adam Aqtóbede qolǵa tústi, dep habarlaıdy QazAqparat QR Іshki ister mınıstrligi Qylmystyq atqarý júıesi komıtetiniń baspasóz qyzmetine silteme jasap.
«Almaty qalasy boıynsha qylmystyq atqarý júıesi departamenti men Aqtóbe oblystyq Polıtsııa departamentiniń ókilderi 15 aqpan kúni Almatydaǵy LA-155/18 mekemesinen qashyp ketken D.T.Davýtovty ustaý boıynsha júrgizgen jedel-izdestirý sharasyn sátti aıaqtady. Іzdeý jarııalanǵan adam Aqtóbede qolǵa tústi»,-delingen habarlamada.
Atalǵan oqıǵa boıynsha, Almaty qalalyq Polıtsııa departamenti tarapynan QR Qylmystyq Kodeksiniń 426 baby (Bas bostandyǵynan aıyrý ornynan qashý) negizinde sotqa deıingi tergeý júrip jatyr.
Sonymen qatar QAJ komıteti tarapynan júrgizilgen qyzmettik tekserý nátıjesi boıynsha, birqatar kemshilik jibergen qyzmetkerler ákimshilik jaýapqa tartyldy.
Aıta ketetin másele, er adam buryn bineshe márte sottalǵan. Sońǵy ret urlyq jáne alaıaqtyq áreketi úshin 6 jylǵa sottalǵan.
