Almatydaǵy týrıstik oryndarda senbilik ótedi
ALMATY. QazAqparat – Almatyda 8 qazanda Memleket basshysy jarııalaǵan «Qoqyssyz taza tabıǵat» jalpyulttyq aktsııasy aıasynda jappaı ekologııalyq senbilik ótedi, dep habarlaıdy QazAqparat tilshisi.
Almaty qalasy ákimdiginiń málimetinshe, aktsııa Úlken jáne Kishi Almaty shatqalyndaǵy tanymal týrıstik oryndarda, ıaǵnı, Býtakovka shatqaly – ormanshy úıinen «Býtakovka» tómengi sarqyramasyna deıin; Aqbulaq – Kók Jaılaý – «Aqbulaq» aıaldamasynan Kók Jaılaý ústirtine deıin; Kazachka shatqaly – Kazachkadaǵy jabyq shlagbaýmnan Kók Jaılaý ústirtine deıin; Qımasar shatqaly – qaraýsyz qalǵan úıden Qımasar shatqalyndaǵy kempıng aımaǵyna deıin; Ótpeli shatqaly – tas aıaldamadan «Qyzdyń kóz jasy» sarqyramasyna deıingi aralyqtarda ótedi.
«Aktsııa tabıǵatqa sanaly, uqypty qaraýdy qalyptastyrýǵa baǵyttalǵan. Bastamaǵa qoǵamdyq uıymdar, azamattyq belsendiler, stýdentter jáne qala eriktileri qosylady dep kútilýde. Barlyq qatysýshylarǵa qajetti zattar men lanch-bokstar beriledi, qaladan transfertter uıymdastyrylady. 8 qazan kúni saǵat 7:45-8:00 arnaıy avtobýstar qatynaıdy»,- delinedi ákimdiktiń habarlamasynda.
Senbilikke kólikter Balýan Sholaq atyndaǵy sport saraıy, «Qazaqstan» qonaq úıi qasyndaǵy avtoturaq, Tuńǵysh Prezıdent Saıabaǵynan alyp ketedi.
