Bul týraly aqparat áleýmettik jelilerde tarady.
«Almatyda Dostyq, 138, «Latıfa» turǵyn úı kesheninde qyzdy óltirdi. Aldymen býyndyryp óltirip, artynan órtep jibergen. Bul týraly úndemeı qalmańyz! Qazir ýchaskelik polıtseıler onyń jezókshe bolǵanyn aıtyp jatyr», - delingen habarlamada.
Almaty qalalyq Polıtsııa departamenti kisi óltirý faktisin rastady.
«Atalǵan fakt QR QK-niń 99-baby 2-bóligi «Adam óltirý» boıynsha sotqa deıingi tergep-tekserýdiń biryńǵaı tizilimine tirkeldi jáne Medeý aýdandyq polıtsııa basqarmasynyń óndirisinde. Arnaıy jedel-tergeý toby quryldy. Kúdiktiniń kim ekeni anyqtaldy. Ony ustaýǵa baǵyttalǵan is-sharalar kesheni júrgizilip jatyr», - dep habarlady polıtsııadan.
Sonymen qatar, Polıtsııa departamenti jábirlenýshiniń jeńil júristi áıel ekendigi týraly aqparat shyndyqqa janaspaıtynyn atap ótti.
Qylmystyń mán-jaıy men sebepteri anyqtalýda.11:39
