Almatydaǵy Tuńǵysh Prezıdent saıabaǵynda tabıǵattyń tylsym qubylysy oryn aldy - feık

ALMATY. QazAqparat - Jelide Almatydaǵy Tuńǵysh Prezıdent saıabaǵynda túsirilgen beınerolık tarady. Onda qazan aıynyń jyly kúninde aǵashtardyń bir bóligine muz qatqany kórsetilgen. Jeli qoldanýshylary muny erekshe tylsym jaǵdaı dep eseptedi, dep habarlaıdy QazAqparat tilshisi Stopfake.kz-ke silteme jasap.

Tabıǵattyń erekshe qubylysy jaıynda Almaty ákimdiginiń baspasóz qyzmeti túsinik berdi.

«Saıabaqtyń qyzmet kórsetý uıymynyń málimeti boıynsha, túnde sýarý júıesi buzylyp, aǵashtarǵa sý shashyraǵan. Tańerteń aýa raıyna baılanysty aǵashtarǵa muz qatqan. Qazirgi kezde sýarý júıesi qalpyna keltirildi», – dep málimdedi ákimdikten.

Demek, vıdeoda erekshe tylsym jaǵdaı kórsetilmegen. Munyń sebebi – sýarý júıesiniń buzylýyna baılanysty aǵashtarǵa shashyraǵan sý.

Foto: images.unian.net