Almatydaǵy túngi klýbtardyń birinde tanymal bloger esirtkimen ustaldy
Ótken demalys kúnderi Almatynyń Medeý aýdanynda ornalasqan barlardyń birinde polıtsııanyń arnaıy jasaǵy men EQqKB-nyń jedel qyzmetkerleri arnaıy is-sharany júrgizdi. Ony qalalyq prokýratýra «Esirtki bıznesimen kúres» jobasy aıasynda úılestirdi.
«Túngi saǵat ekide túngi klýbta 19 jastaǵy T. esimdi azamat ustaldy, onyń shalbarynyń oń qaltasynan kók ızolentaǵa oralǵan, sıntetıkalyq zat salynǵan úsh býma tabyldy. Jumys nusqalarynyń birine sáıkes, bul - mefedron psıhoaktıvti zaty. Shóptiń naqty tıesiligin anyqtaý úshin sot-hımııalyq saraptama taǵaıyndaldy. Ustalǵan azamat QR QPK-niń 128-babyna sáıkes ýaqytsha ustaý ızolıatoryna qamaldy. Sotqa deıingi tergeý QR QK-niń 297-baby 1-bóligi boıynsha júrgizilip jatyr», – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
QPK-niń 201-babyna sáıkes tergeý múddesin kózdeıtin ózge de málimetter jarııa etýge jatpaıdy. Konstıtýtsııanyń 77-babynyń 3-tarmaǵynyń 1-tarmaqshasy jáne QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.
