Almatydaǵy trıatlon kýbogy jeńimpazdarynyń esimderi belgili boldy
ALMATY. QazAqparat - Almatydaǵy Saıran kólinde áýesqoılar arasynda trıatlonnan «TEMIRADAM» kýbogynyń VIII kezeńi ótti, dep habarlaıdy QazAqparat tilshisi.
Jarysqa Qazaqstan, Grýzııa, Qyrǵyzstan, Reseı, Ýkraına, Ózbekstan, Ońtústik Koreıadan 182 jeke sportshy jáne 10 komanda (árqaısysy úsh adamnan) qatysty. Sportshylar «Olımpıadalyq qashyqtyqta» (1500 m júzý + 40 km júgirý + 10 km júgirý) jarysty.
Jarys barysynda erler arasyndaǵy almastyrylmaıtyn kóshbasshy retinde tájirıbeli trıatlet jáne jattyqtyrýshy Pavel Artıýshenko saılanyp, 2 saǵat 09 mınýt 55 sekýnd nátıjemen jeńiske jetti. Óz jas sanatyndaǵy jeńisten basqa, Pavel Artıýshenko absolıýtti chempıon atandy. Sondaı-aq, belgili Maksım Mazýr, Maksım Mjelskıı jáne reseılik Arsenıı Elıseev sııaqty sportshylar da sátti óner kórsetti.
Al, áıelder arasynda 2004 jylǵy Olımpıada oıyndarynyń qatysýshysy, almatylyq trıatlet Ekaterına Shatnaıa jeńimpaz atandy.
Basqa jas sanattary boıynsha jeńimpazdar:
Erler: Dıaz Kúntýarov (Nur-Sultan) - 02:34:35
Maksım Mjelskıı (Almaty) - 02:17:45
Arsenıı Elıseev (Máskeý, Reseı) - 02:09:55
Mıhaıl Kývshınnıkov (Almaty) - 02:15:50
Vladıslav Kópbosynov (Almaty) - 02:31:45;
Talǵat Jumaǵalıev (Almaty) - 02:38:41
Dándibaı Álimbaev (Shymkent) - 02:57:51.
Áıelder:
Alena Ývarova (Korkıno, Reseı) - 02:47:05
Anastasııa Chernaıa (Zaporoje, Ýkraına) - 02:40:12
Dına Shaımerdenova (Almaty) - 02:37:43
Kım Kensýk (Ońtústik Koreıa) - 03:01:58
Álııa Aıtqazına (Almaty) - 03:36:20.
Saıystyń barlyq nátıjelerin www.triathlon.org.kz saıtynan kórýge bolady.
Eske sala keteıik, Qazaqstandyq trıatlon federatsııasy uıymdastyrǵan halyqaralyq jarys óz kezeginde Qazaqstannyń barlyq aımaqtarynda ótkizilmek, qorytyndy saıys kúzde Aqtaýda Kaspıı jaǵalaýynda uıymdastyrylady.
