Almatydaǵy tramvaı relsteri metalǵa ótkizildi
ALMATY. QazAqparat - Almatydaǵy tramvaı relsteri metall óńdeýge ótkizildi, dep habarlaıdy qazAqparat tilshisi.
«Almatyelektrotrans» JShS dırektory Rızvan Tsınaev habarlaǵandaı, relsterdi satyp alýǵa kóbine metall qorytý kásiporyndary qyzyǵýshylyq bildirgen.
«Aýktsıon nátıjesinde: qaıta tóselgen relster - «Qazferrostal» JShS-na 8 214 573 teńgege, qara metall - «Metallokomplekt» JShS-na 115 676 418 teńgege ótkizildi», - dedi R.Tsınaev.
Al, qalalyq Jolaýshylar kóligi men avtomobıl joldary basqarmasynyń habarlaýynsha, 2017 jyly Shevchenko, Qonaev, Ótepov kóshelerindegi jáne 23 qıylystaǵy uzyndyǵy 16,7 km tramvaı jelisi alynǵan bolatyn.
Relsterdi buzyp, tıeý jumystaryna 123 mln teńge jumsalǵan.
Jarokov, Baıtursynov jáne Maqataev kóshelerindegi relster kelesi jyly alynady.
Munyń aldynda Almaty tramvaılary elektrondy saýdaǵa shyǵarylǵanyn habarlaǵan bolatynbyz.
Tsınaev relsterden bólek tramvaı quramdary da satylǵanyn aıtty. Alaıda satyp alýshynyń aty-jóni qujattar rásimdelgen soń habarlanady.
