Almatydaǵy terrorıstik akti týraly aqparat jalǵan bolyp shyqty

ALMATY. QazAqparat - Almaty polıtsııasy áskerı bólimge shabýyl daıyndalyp jatqandyǵy týraly aqparatty joqqa shyǵardy, dep habarlaıdy QazAqparat tilshisi.

Aıta keteıik, «Whatsapp» messendjeri arqyly vıdeo taraǵan bolatyn. Onda  er adamnyń áskerı bólimsheniń baqylaý-ótkizý pýnktine kelip, áldebir sózderdi aıtyp jatqanyn, keıin onyń syrtqa shyǵyp ketkenin kórýge bolady.  Ol ketip bara jatyp, ǵımaratqa qaıta-qaıta qaraǵyshtaıdy. Al kadr syrtyndaǵy daýys jaqynda Almatyda áskerı bólimshege shabýyl daıyndalyp jatqanyn aıtady.

Qalalyq ІІD buǵan qatysty túsinik berdi.

«Aqparat shyndyqqa janaspaıdy. Qazir jalǵan aqparat taratqan adamdar izdestirilip jatyr. Mundaı qylmys óz kezeginde qylmystyq jaýapkershilikke ákeledi», - dedi qalalyq ІІD resmı ókili Saltanat Ázirbek.

Sonymen qatar polıtsııanyń jeke quramyna qatysty aýdıojazba taraldy. Onda polıtseılerge bolýy yqtımal terrorıstik shabýylǵa daıyn turý qajettigi aıtylady jáne bul buıryq aýdandyq ishki ister bólimi bastyǵynyń atynan berilgen-mys. Alaıda qaı aýdandyq bólim ekeni aıtylmaıdy. Aýdıojazba 03.28.2018 jylǵy saǵat 19-06-da tirkelgen.