Almatydaǵy terrorǵa qarsy operatsııa: Birneshe qylmysker óltirildi

NUR-SULTAN. QazAqparat – Almatydaǵy terrorǵa qarsy operatsııa barysynda birneshe qylmysker óltirildi. Bul týraly Almaty qalalyq polıtsııa departamentiniń baspasóz hatshysy Saltanat Ázirbek aıtty, dep habarlaıdy QazAqparat tilshisi.

Habar-24 telearnasyna bergen suhbaty barysynda ol Almatynyń Masanchı, Qarasaı batyr, Jambyl, Baıtursynov kósheleriniń aýdanynda arnaýly terrorǵa qarsy operatsııa júrgizilip jatqanyn aıtty.

«Ótken túnde qylmyskerler osy aýdandaǵy ǵımarattardy jaýlap almaqshy bolǵan. Biraq bul is-áreketteri oryn alǵan joq. Birneshe qylmysker óltirildi. Olardyń aty-jónderi qazirgi tańda anyqtalý ústinde. Almaty qalasynyń turǵyndary men qonaqtaryna aıtarymyz, óz úılerińizden shyqpańyzdar. Arnaýly operatsııa júrgizilip jatqan atalǵan kóshelerde júrmegenderińiz jón», - dedi Saltanat Ázirbek.