Almatydaǵy tergeý oqshaýlaǵyshynyń ornyna turǵyn úı salynatyn boldy
ALMATY. QazAqparat - Almatydaǵy Seıfýllın kóshesiniń boıynda ornalasqan tergeý oqshaýlaǵyshynyń ornyna kóppáterli turǵyn úı salynady.
Bul týraly zańger Djohar Ótebekovtyń suraýyna baılanysty qalalyq Sáýlet jáne qala qurylysy basqarmasynyń ókilderi joldaǵan jaýapta aıtylǵan.
«Almaty qalasynyń Sáýlet jáne qala qurylysy basqarmasy qala ákimi orynbasarynyń tapsyrmasy boıynsha, Sizdiń Seıfýllına-Mámetova dańǵylynyń boıynda ornalasqan «LA-155/1» RMK tergeý oqshaýlaǵyshyn súrý nemese ony qaıta jóndeýden ótkizý jónindegi suraýyńyzdy qaraı kele, tómendegini habarlaıdy. Almatynyń bas jospary men jan-jaqty josparlaý jobasy boıynsha, Almatynyń aýmaǵynyń ortalyq bóligindegi ál-Farabı dańǵyly - Esentaı ózeni - kishi Almaty ózeni shekarasynda, joǵaryda atalǵan mekenjaı boıynsha, turǵyndarǵa qyzmet kórsetý nysandary bar kóppáterli turǵyn úılerdiń qurylysy qarastyrylǵan»,-delingen quzyrly organ ókilderiniń jaýabynda.
