Almatydaǵy tergeý oqshaýlaǵyshynan qashqandardyń barlyǵy qolǵa tústi
ASTANA. Qarashanyń 9-y. QazAqparat /Aıdar Ospanalıev/ - Almaty qalasyndaǵy tergeý oqshaýlaǵyshynan qashqan 5 azamattyń sońǵysy ótken senbide Qaraǵandy oblysynda qolǵa tústi.
Bul týraly búgin jýrnalıstermen bolǵan brıfıngte Іshki ister mınıstrliginiń Til saıasaty jáne aqparat departamentiniń bastyǵy Qýanyshbek Jumanov málim etti, dep habarlaıdy QazAqparat.
Onyń aıtýynsha, 5 azamat aǵymdaǵy jyldyń sáýir aıynyń 22-de qashqan bolatyn. Olardyń 4-ýi bir táýlikten soń-aq tártip saqshylarynyń qolyna túsken. Al 5-shi qashqyn Talǵat Shegebaev quqyq qorǵaý organdarynyń quryǵyna ótken senbide ilikti. Polıtsııa qyzmetkerleri ony Qaraǵandy oblysyndaǵy Balqash ózeniniń jaǵalaýynda qolǵa túsirgen. T.Shegebaevqa 2004 jyly Almaty qalasynyń joǵary oqý oryndarynyń birinde oqyp júrgen stýdent Aıdar Ertórındi óltirgendigi úshin aıyp taǵylǵan.
