Almatydaǵy tergeý ızolıatoryna «Biz azaptaýǵa qarsymyz» birlestiginiń basshysy keldi

ALMATY. QazAqparat - Almatydaǵy tergeý ızolıatoryna «Biz azaptaýǵa qarsymyz» qoǵamdyq birlestiginiń basshysy Elena Semenova kelip, qańtar oqıǵasy kezinde ustalǵan kúdiktilermen kezdesti, dep habarlaıdy QazAqparat tilshisi.

Tutqyndar ustalatyn kameralardy aralaǵan birlestik basshysy tutqyndardyń árqaısysymen júzdesip, azaptaý faktileri týraly surady. Sonymen qatar, ol LA-155/18 mekemesindegi qamaýdaǵylardyń tamaqtaný jaǵdaıyn da kórip, olarmen medıtsınalyq kómek kórsetýdiń sapasy jaıly áńgimelesti.

Elena Semenovamen birge kameralardy aralaǵan Almaty qalasy prokýratýrasynyń basqarma basshysy A.Omarov ta tutqyndarmen áńgimelesip, olarǵa óz quqyqtaryn túsindirdi.

«Tergeý ızolıatoryna quqyq qorǵaýshylar men ártúrli qoǵamdyq birlestik ókilderiniń jıi kelýi qańtar oqıǵasyna qatysty qamalǵandardy azaptaý jaıly qazirgi jalǵan aqparattardy aldyn alady. Tutqyndarmen mundaı júzdesýler kezinde tekserýshiler tergeý ızolıatorynda ustaý jaǵdaıyna da qanyǵady», – dedi Almaty qalasy boıynsha qylmystyq atqarý júıesi departamenti bastyǵynyń orynbasary E. Uzaqov.

Qalalyq polıtsııa departamentinen habarlaǵandaı, tekserý kezinde kúdiktiler tarapynan azaptaýǵa baılanysty eshqandaı shaǵym bolǵan joq.