Almatydaǵy terakt: ІІB burynǵy basshysynyń isin basqa sot qaraıdy
ALMATY. QazAqparat - Almatyda 2016 jyly shildede bolǵan terrorıstik aktige baılanysty qyzmet babynda áreketsizdik tanytty dep aıyptalǵan Almaly aýdandyq ІІB eks-basshysy Asqar Bolatovtyń isi qalalyq sotqa jiberildi, dep habarlaıdy QazAqparat tilshisi.
Osyǵan baılanysty Almaly aýdandyq sotynda isti qaraý toqtatyldy.
«Іs Almaty qalalyq sotynyń qaraýyna tústi. Sot talqylaýy qashan ótetini keıin habarlanatyn bolady», - dedi baspasóz qyzmetinen.
Qylmystyq is byltyr Almatyda 16 shildede Rýslan Kúlekbaevtyń polıtseılerge jasaǵan shabýylyna qatysty qozǵaldy. Asqar Bolatovqa qatysty QR QK 370-babynyń 4-bólimimen (qyzmettegi áreketsizdik), 371-babynyń 2-bólimimen (salǵyrttyq), Qaırat Amanjolov pen Syrym Baımendıev QR QK 370-babynyń 4-bólimimen (qyzmet babynda áreketsizdik) aıyp taǵyldy.
Eske sala ketsek, 2016 jyly 18 shildede Almatyda terakt jasaǵan Rýslan Kúlekbaevqa ólim jazasy taǵaıyndalǵan. Moratorııge baılanysty ol jazasyn túrmede ótep jatyr. https://kaz.inform.kz/news/bugin-kulekbaevka-katysty-sot-ukimi-shygady_a2965250
