Almatydaǵy tegin ınsýlın defıtsıti dúısenbide qalpyna keledi
ASTANA. QazAqparat - «SK-Farmatsııa» JShS Almatyda tegin ınsýllınniń nege jetpeı jatqany týraly aıtty, dep habarlaıdy «QazAqparat» HAA.
«Búgin áleýmettik jelilerde qant dıabetimen aýyratyndarǵa arnalǵan dáriniń taýsylǵany týraly aqparat tarady. Іshinde ınsýlın men glıýkonıl bar 55 túrli dárilik preparattardy jaqyn arada jetkizemiz», delingen kompanııanyń jeksenbi kúni Facebook paraqshasynda jazylǵan habarlamasynda.
SK-Farmatsııa kompanııasynyń túsindirýi boıynsha, Almaty oblystyq densaýlyq saqtaý basqarmasy atalǵan dárige baılanysty ótinimdi qańtarda ornalastyrǵan. LeveMır Penfıll, LeveMır FleksPenn jáne NovoMıks 30 FleksPenn, Glıýkonıl 1000 mg, 850 mg jáne 500 mg preparattaryn túsirý dúısenbiden bastalady eken.
