Almatydaǵy taýlarda jasandy qar kóshkini júrgiziledi
ALMATY. QazAqparat - «Shymbulaq» taý-shańǵy kýrortynda tótenshe jaǵdaılar qyzmetiniń taýdaǵy oqý-jattyǵýy ótedi, dep habarlaıdy QazAqparat tilshisi qalalyq TJD baspasóz qyzmetine silteme jasap.
Bul oqý-jattyǵý qańtardyń 31-nen aqpannyń 2-ne deıin jalǵasady. Qutqarýshylar «Qazseldenqorǵaý» memlekettik mekemesimen birlesip jasandy qar kóshkinin júrgizedi. Departamenttin boljaýynsha, bul kúnderi taýda qalyń qar jaýady.
«Shymbulaq» ákimshiligi bul kúnderi taý-shańǵy kýrorty jumys istemeıtiniń málim etti.
Óz kezeginde, Almaty qalasynyń tótenshe jaǵdaılar qyzmeti tónip túrǵan qaýipke baılanysty Almaty turǵyndary men qonaqtaryna taýǵa barmaý kerektigin eskertedi.
«Taýda demalatyndar men syrǵanaýshylarǵa túsinistikpen qaraýdy ótinemiz», - dep málim etti TJD ókili.
Avtor: Elaman Turysbekov
