Almatydaǵy taýda joǵalyp ketken týrısterdiń biri aıaǵyn syndyryp alǵan - TJK
ALMATY. QazAqparat - Almatydaǵy taýda joǵalyp ketken týrısterdiń biri aıaǵyn syndyryp alǵan, dep habarlady Respýblıkalyq jedel-qutqarý jasaǵynyń bas qutqarýshysy Vıktorııa Zarýbaeva.
«29 qańtar kúni 10 adamnan turatyn týrıster toby Úlken Almaty kóli aýdanynda ornalasqan Skalıstyı shyńyna barǵan. Belgisiz jaǵdaıda serýendeýshilerdiń ekeýi tobynan adasyp qalǵan. Týrıster qalaǵa jalǵyz qaıta almaıtynyn bilip, Respýblıkalyq jedel-qutqarý jasaǵynan (RJQJ) kómek suraǵan. Zardap shekkenderden qońyraý quzyrly organdarǵa saǵat 17:18-de túsken. Týrısterge kómekke 8 adamnan turatyn qutqarý toby, sonymen qatar 1 ıt jiberildi», - dedi Zarýbaeva.
Sonymen qatar, atalǵan qutqarýshylar tobyna jol-jónekeı taǵy bir kómek suraǵandardyń habarlamasy túsken.
«Habarlasqandar qar kóshkini astynda qalǵanyn, ol kóshkindi ózderi «shaqyrǵanyn» aıtqan. Oqıǵany anyqtaý barysynda, habarlasqandardyń eki oqıǵasy da bir týrıstik toptyń adamdary bolyp shyqty. Qutqarýshylar oqıǵa ornyna saǵat 18:15-te kelip jetip, sol jerde izdeý jumystaryn qarqyndy júrgizý úshin ekige bólindi.
20 mınýt ishinde birinshi qutqarý toby zardap shegýshilerdi tapty. Tekserý barysynda, barlyq zardap shegýshilerdiń úsheýi de, ártúrli deńgeıdegi den jaraqattaryn alǵan. Qutqarýshylar barlyq týrıstik toptardy birge jınap, aıaǵy synǵan zardap shegýshini tasymaldady. Jedel top zardap shekkendermen jábirlenýshilerdi jedel medıtsınalyq kómek qyzmetkerleriniń brıgadasyna deıin shyǵaryp saldy», -deıdi Zarýbaeva.
