Almatydaǵy taýda jigit pen qyz joǵalyp ketti
ALMATY. QazAqparat - Juma kúni, 5 tamyzda 1988 jyly týǵan almatylyq Ildar Galıev tanys qyzymen taýǵa ketip, sol kúıi oralmady. Bul jóninde QazAqparatqa Ildardyń ákesi habarlady.
«Juma kúni túsen keıin Ildar tanys qyzymen taýǵa ketti, qaı baǵytpen júrgeni belgisiz. Jeksenbi kúni keshke kelemin dep ýáde bergen. Sodan beri ulymnan esh habar joq. Telefony sóndirýli. Sol kúni Ildar qyzyl sýreti bar ashyq tústi jeıde, djınsy, qońyr báteńke kıdi, arqasynda rıýkzagy bar. 1988 jyly týǵan, aryq jigit, boıy shamamen 176 sm», - dedi Ildardyń ákesi Ramıl Galıev.
Joǵalǵan qyz ben jigittiń ata-anasy polıtsııaǵa aryz jazdy.
Olar týraly qandaı da bir aqparat bileseńiz, Ildardyń týystaryna habar berýlerińizdi suraımyz: 8 777 2831647.
