Almatydaǵy taýda er adam joǵalyp ketti
ALMATY. QazAqparat - Almaty taýlarynda Aleksandr Nazarýk joǵalyp ketti. Onyń dosy Evgenııdiń aıtýynsha, jeksenbi kúni, 4 qyrkúıekte olar Aleksandr jáne taǵy bir dosymen birge Úlken Almaty shyńyna kóterilgen.
«Keshe biz shyńǵa shyqtyq, týmen birge fotoǵa tústik jáne sol baǵyt boıynsha keri qaıtýǵa bel býdyq. Biraq Aleksandr basqa jolmen barýdy uıǵardy. Bizdiń aıtqanymyzǵa kónbeı turyp aldy. Aramyzda eshqandaı arazdyq bolǵan joq, múmkin óziniń kóńil-kúıi joq bolǵan shyǵar. Ol observatorııaǵa deıin tómen túsetin boldy jáne biz ony kólikpen kútip alatyn bolyp kelistik. Úıge qaıtyp kelsek, ol áli kelmepti. Sonda biz qutqarýshylarǵa habarlastyq», - dedi Evgenıı.
QR TJM Respýblıkalyq jedel-qutqarý jasaǵy er adamnyń joǵalǵany týraly aqparatty rastady.
«Keshe tústen keıingi ýaqytta habarlama kelip tústi. Bizge belgili bolǵany, úsh dos taýǵa serýendep barǵan. Úlken Almaty shatqaly mańynda, jol ortasyna olardyń joly ekige bólingen: ekeýi soqpaq jolmen júrgen, úshinshisi jota arqyly kese-kóldeneń júrip ótpek bolǵan. Ekeýi taýdan tómen túsken, al úshinshisi oralmady», - dep habarlady Respýblıkalyq jedel-qutqarý jasaǵy basshysynyń orynbasary ıÝrıı Býrjınskıı.
Býrjınskıı izdestirý jumystarynyń jalǵasyp jatqanyn aıtty. TJM qyzmetkerleri Aleksandr Nazarýk izimen júrip keledi. Al Evgenıı Aıýsaı shatqaly mańynda ózge qutqarýshylarǵa kómektesýde.
